37 awr yr wythnos
Cyfnod penodol hyd at fis Ebrill 2025
Mae cyfle cyffrous wedi codi ar gyfer Gweithiwr Cymdeithasol Ymgynghorol i weithio ochr yn ochr â'n Prif Swyddog Trawsnewid a chynorthwyo'r gwaith o weithredu Fframwaith Ymarfer yng Ngofal Cymdeithasol Pen-y-bont ar Ogwr.Yn ddiweddar, mae Pen-y-bont ar Ogwr wedi cyflwyno Arwyddion Diogelwch fel ei Fframwaith Ymarfer o fewn Gofal Cymdeithasol Plant. Mae Arwyddion Diogelwch yn fodel ymarfer sy'n seiliedig ar gryfderau, sy'n canolbwyntio ar atebion a diogelwch. Gan ddefnyddio tri maes Arwyddion Diogelwch – Arwyddion Llesiant i'r rhai y mae angen gofal a chymorth arnynt, Arwyddion diogelwch i'r rhai y mae angen diogelu arnynt, neu arwyddion llwyddiant i'r rhai sydd â phrofiad o fod mewn gofal, mae Arwyddion Diogelwch yn gweithio ar nifer o egwyddorion gyda phwyslais ar gydweithio a chydgynhyrchu â theuluoedd a gweithwyr proffesiynol wrth adeiladu diogelwch o amgylch y plentyn neu'r person ifanc i atal gwaethygu, ac felly atgyfnerthu bod gan bob teulu gryfder sydd wedi'i adeiladu ar greu cydnerthedd teulu i gynnal newid a galluogi teuluoedd i aros gyda'i gilydd yn ddiogel.Er mwyn cynnal ymgysylltiad ac ymrwymiad o lefel sefydliad cyfan, mae angen rhagor o waith i sicrhau bod y model ymarfer yn parhau i gael ei ddatblygu'n effeithiol mewn timau o lefel weithredol, sy'n cynnwys yr ymrwymiad parhaus gan asiantaethau partner. Er mwyn ymgorffori'r fframwaith ymarfer yn weithredol, rydym yn recriwtio swydd Gwaith Cymdeithasol Ymgynghorol i hyrwyddo model Arwyddion Diogelwch drwy fynd ati i gefnogi timau ac asiantaethau partner i weithio yn y ffordd hon sy'n ataliol, yn seiliedig ar gryfderau mewn partneriaeth â phlant, pobl ifanc a'u teuluoedd.Ar gyfer y rôl hon, byddwch yn ymarferydd cydnerth sydd â ffiniau, ac sy'n gallu gweithio'n greadigol mewn amgylchedd sy'n heriol weithiau, ond sy'n werth chweil. Byddwch yn gweithio ochr yn ochr â'r Prif Swyddog i gynorthwyo'r gwaith o weithredu Arwyddion Diogelwch o fewn Gofal Cymdeithasol Plant i sicrhau bod y fframwaith ymarfer hwn sy'n seiliedig ar gryfderau, ac sy'n canolbwyntio ar atebion yn cael ei ymgorffori yn ymarfer pob tîm. Fel arbenigwr ymarfer bydd disgwyl i ddeiliad y swydd gefnogi'r gwaith o hwyluso goruchwylio cymheiriaid, yn ogystal â darparu mentora a chymorth gydag ymweliadau, mapio achosion a chyfarfodydd teuluol. Cynorthwyo Gweithwyr Cymdeithasol ac asiantaethau partner i gynyddu eu hyder a'u sgiliau wrth ddefnyddio'r model ymarfer.Bydd yr ymgeisydd llwyddiannus yn cydweithio â'r Prif Swyddog i gryfhau a datblygu gwybodaeth ar draws gwasanaethau a defnyddio Arwyddion Diogelwch drwy fodelu arfer da a chydweithio â phlant, pobl ifanc, teuluoedd, gofalwyr ac asiantaethau partner. Gan nodi anghenion dysgu ym maes Gofal Cymdeithasol Plant ac asiantaethau partner, bydd y Gweithiwr Cymdeithasol Cynorthwyol yn cynorthwyo'r Prif Swyddog i nodi cyfleoedd dysgu i rannu'r dysgu hwn drwyddi draw, gyda'r ffocws bob amser ar weithio mewn dull ataliol gyda phlant, pobl ifanc a'u teuluoedd neu ofalwyr.Rhaid i'r ymgeisydd llwyddiannus feddu ar brofiad ôl-gymhwyso sylweddol a gwybodaeth a phrofiad o fethodoleg, offer ac ymarfer Arwyddion Diogelwch.Mae hwn yn gyfle cyffrous i fod yn rhan o weithredu'r fframwaith ymarfer adnabyddus hwn. Ystyrir secondiadau hefyd.I drafod y cyfle hwn, ffoniwch Sarah Wynn – Prif Swyddog Trawsnewid ar 07890942351 neu anfonwch neges e-bost at sarah.wynn@bridgend.gov.uk.
Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.
Dyddiad Cau: 07 Awst 2024 Dyddiad llunio rhestr fer: 09 Awst 2024 Dyddiad Cyfweld: 19 Awst 2024Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person