37 awr yr wythnos
3 swydd barhaol ar gael
Mae hwn yn gyfnod cyffrous i ymuno â Phen-y-bont ar Ogwr sy'n cael ei gydnabod fel awdurdod sy'n gwella, lle mae pobl am weithio ynddo. Byddwch yn ymuno â grŵp o weithwyr proffesiynol ymrwymedig a brwdfrydig sy'n gweithio'n galed i drawsnewid ein gwasanaethau. Byddwch yn cyfrannu'n weithredol at welliant parhaus safonau ymarfer a datblygu sgiliau ar draws y Gyfarwyddiaeth. Mae'r tîm yn cynnal rôl hanfodol yn y broses sicrhau ansawdd er mwyn sicrhau'r canlyniadau gorau i blant.
A chithau'n cadeirio cyfarfodydd adolygu statudol yr holl gynadleddau achos plant â phrofiad o fod mewn gofal ac amddiffyn plant, byddwch yn sicrhau bod cynlluniau priodol yn eu lle, a'u bod yn cael eu hadolygu a'u goruchwylio i sicrhau bod anghenion plant yn cael eu diwallu mewn ffordd amserol, gyda chanlyniadau mesuradwy.
Fel Gweithiwr Cymdeithasol cofrestredig, bydd angen i chi feddu ar ddealltwriaeth gadarn o Ddeddf Plant 1989, Deddf Gwasanaethau Cymdeithasol a Llesiant 2014 a gwybodaeth am rôl y swyddog Adolygu Annibynnol a dealltwriaeth o hyn, fel sy'n ofynnol gan Ddeddf Mabwysiadu a Phlant 2002, a'r Safonau IRO, deddfwriaeth ac arweiniad cysylltiedig yn ogystal ag o leiaf tair blynedd o brofiad o weithio mewn Gwasanaethau i Blant.
Mae Gofal Cymdeithasol i Blant Pen-y-bont ar Ogwr wedi lansio Arwyddion Diogelwch a bydd eich rôl chi yn hanfodol i gefnogi'r gwaith o weithredu'r model Gwaith Cymdeithasol hwn. Byddwch yn derbyn hyfforddiant llawn ar sut i ddefnyddio'r model hwn o weithio.
I gael rhagor o wybodaeth am y rôl hon, ffoniwch Raeanna Grainger Rheolwr Gwasanaeth IRO ar 01656 642340.
Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.
Dyddiad Cau: 31 Goffennaf 2024
Dyddiad Llunio'r Rhestr Fer: 6 Awst 2024
Dyddiad y Cyfweliad: 16 Awst 2024
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person