37 awr yr wythnos
Mae hwn yn gyfle cyffrous i Uwch-weithiwr Cymdeithasol cymwys a phrofiadol ymuno â Thîm Iechyd Meddwl Cymunedol Pen-y-bont ar Ogwr fel Rheolwr Tîm Cynorthwyol.
Mae'r Tîm Iechyd Meddwl Cymunedol yn dîm iechyd a gofal cymdeithasol amlddisgyblaethol sy'n cynnig gwasanaeth i oedolion sydd â salwch meddwl difrifol a pharhaus a phroblemau sy'n cyd-ddigwydd posibl gan gwmpasu Bwrdeistref Pen-y-bont ar Ogwr.
Mae'r rôl yn cynnwys cynorthwyo'r Rheolwr Gwasanaeth wrth reoli a chydlynu gwaith y gweithwyr cymdeithasol yn y Tîm Iechyd Meddwl Cymunedol gan ddarparu goruchwyliaeth o ansawdd a goruchwyliaeth broffesiynol ymarferwyr gwaith cymdeithasol. Byddwch yn cymryd rhan yn y gwaith o reoli'r tîm yn ehangach, yn ogystal â bod yn rhan o dîm arweinyddiaeth ehangach yr awdurdod lleol, gan sicrhau bod cysylltiadau cryf â'r awdurdod lleol.
Mae'r rôl hon i sicrhau bod ymarfer gwaith cymdeithasol rhagorol yn cael ei ddarparu drwy arwain a hyrwyddo'r lefel uchaf o sgiliau ymarfer a datblygiadau, drwy'r gallu i ysbrydoli a mentora'r tîm gyda ffocws clir ar ddarparu ein ‘Model Gweithio Ymarfer sy'n Seiliedig ar Gryfderau i Gyflawni Canlyniadau’. Byddwch yn gweithio ochr yn ochr â'r Rheolwr Gwasanaeth a chydweithwyr iechyd perthnasol i ddatblygu a sicrhau gwasanaeth effeithlon ac effeithiol, yn unol â pholisïau presennol, arfer gorau, deddfwriaeth, gweithdrefnau a systemau.
Yn ddelfrydol byddwch wedi cwblhau'r hyfforddiant AMHP. Os nad ydych, bydd disgwyl i chi wneud hynny. A chithau'n Ymarferydd Iechyd Meddwl Achrededig (AMHP), byddwch yn gweithio ochr yn ochr â'r Gwasanaeth AMHP, i ddarparu profiad o ansawdd i'r rhai sydd mewn trallod meddwl
I gael trafodaeth anffurfiol am y swydd hon, cysylltwch ag Emma-Jayne Roche, y Rheolwr Tîm ar 01656 763000 neu emma.roche@bridgend.gov.uk.
Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Dyddiad Cau: 28 Awst 2024 Dyddiad llunio rhestr fer: 30 Awst 2024 Dyddiad Cyfweld: 09 Medi 2024Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person