37 awr yr wythnos
A ydych yn angerddol am wella bywydau plant a phobl ifanc? A ydych am weithio i gyflogwr sy'n rhoi pwys mawr ar oruchwylio o ansawdd uchel, llesiant a datblygu gyrfa?
Mae Cyngor Bwrdeistref Sirol Pen-y-bont ar Ogwr yn cynnig cyfleoedd gwych i ddatblygu eich gyrfa ym maes gwaith cymdeithasol. Rydym bellach mewn sefyllfa i recriwtio Uwch-weithiwr Cymdeithasol parhaol i ymuno â ni i asesu a chynorthwyo plant a'u teuluoedd ar draws y fwrdeistref sirol.
Rydym wrthi ar hyn o bryd yn recriwtio Uwch-weithiwr Cymdeithasol a fydd wedi'i leoli yn ein Timau Diogelu Ardal. Mae ein Timau Ardal wedi'u lleoli mewn tair canolfan gymunedol o amgylch y fwrdeistref sirol ar hyn o bryd. Fodd bynnag, fel rhan o gynlluniau ailstrwythuro diweddar, mae pedwerydd canolfan ddiogelu yn cael ei chreu. Bydd yr ad-drefnu yn golygu timau rheoli achos llai a llwythi achos mwy hylaw, a bydd dull sy'n seiliedig ar gryfderau o fewn amgylchedd cydweithredol a chefnogol yn sail i ymarfer gwaith cymdeithasol mewn Gwasanaethau Plant a Theuluoedd.
Mae ein gwasanaethau cymorth wedi'u targedu i deuluoedd wedi'u cyd-leoli â'n timau ardal, i ddarparu continwwm o wasanaethau yn amrywio o gymorth cynnar i ddarpariaeth ddwys i deuluoedd ag anghenion cymhleth. Yn ogystal, mae gennym dimau sy'n cynnig arbenigedd mewn perthynas â phlant ag anableddau, plant sydd â phrofiad o fod mewn gofal a phobl ifanc 16 oed a throsodd y mae ganddynt hawl i wasanaethau gadael gofal.
Byddem wrth ein bodd yn clywed gan ymarferwyr Gwaith Cymdeithasol profiadol sydd wedi cofrestru gyda Gofal Cymdeithasol Cymru, sydd ag o leiaf 3 blynedd o brofiad ac sy'n awyddus i symud ymlaen yn eu gyrfa gwaith cymdeithasol. Bydd yr ymgeisydd llwyddiannus yn cael sesiwn sefydlu gadarn, goruchwyliaeth reolaidd, cymorth a mentora ychwanegol os bydd angen ac yn cael cyfleoedd ar gyfer datblygiad gyrfa pellach.
Yn 2023 lansiodd Gofal Cymdeithasol Plant y model gwaith cymdeithasol ‘Arwyddion Diogelwch’ sy'n sail i'n holl ymarfer yng Ngwasanaethau Plant Bwrdeistref Sirol Pen-y-bont ar Ogwr. Bydd yr holl staff newydd yn cael eu cynorthwyo i ddatblygu eu hymarfer yn unol ag egwyddorion y model.
Rydym yn sefydliad myfyriol sy'n adeiladu ar ei gryfderau yn barhaus ac sy'n ymrwymedig i'r egwyddor mai'r ffordd fwyaf effeithiol o wella canlyniadau i'r holl blant, pobl ifanc a theuluoedd yw drwy ddarparu gwasanaethau hygyrch, cyffredinol. Mae amddiffyn plant, pobl ifanc ac oedolion yr ystyrir eu bod mewn perygl yn un o gyfrifoldebau craidd pob un o gyflogeion y cyngor.
Gyda Chyngor Bwrdeistref Sirol Pen-y-bont ar Ogwr yn gyflogwr i chi, gallwch ddisgwyl gweithio mewn amgylchedd gwerth chweil ac addysgol lle mae staff yn teimlo eu bod yn cael eu gwerthfawrogi.
Yn ogystal â chyflog cystadleuol, mae'r swydd hefyd yn denu Taliad Atodol ar sail y Farchnad o £5,000 a, lle y bo'n briodol, pecyn adleoli o hyd at £8,000.
I gael rhagor o wybodaeth, ffoniwch reolwr y tîm Davina Howley ar 01656 642418.
Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Mae trwydded yrru ddilys yn un o'r gofynion ar gyfer y swydd hon.
Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.
Dyddiad Cau: 7 Awst 2024
Dyddiad Llunio'r Rhestr Fer: 9 Awst 2024
Dyddiad y Cyfweliad: 23 Awst 2024
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person