37 awr yr wythnos
Mae Cyngor Bwrdeistref Sirol Pen-y-bont ar Ogwr yn cynnig cyfle gwych i chi ddatblygu eich gyrfa ym maes gofal cymdeithasol. Rydym am i'r cynorthwywyr gwaith cymdeithasol gorau ymuno â ni - dyma y mae ein plant a'n teuluoedd yn ei haeddu.
Rydym yn sefydliad myfyriol sy'n adeiladu ar ei gryfderau yn barhaus ac sy'n ymrwymedig i'r egwyddor mai'r ffordd fwyaf effeithiol o wella canlyniadau i'r holl Blant, Pobl Ifanc a Theuluoedd yw drwy ddarparu gwasanaethau hygyrch, cyffredinol. Ymunwch â ni a byddwch yn gweithio mewn amgylchedd gwobrwyol lle mae'r staff yn cael eu gwerthfawrogi.
Rydym yn chwilio am Gynorthwyydd Gwaith Cymdeithasol profiadol a brwdfrydig i ymuno â'r Tîm Plant â Phrofiad o fod mewn Gofal sydd yr un mor ymroddedig â ni wrth weithio tuag at gyflawni canlyniadau cadarnhaol i blant a theuluoedd.
Mae'r Tîm Plant â phrofiad o fod mewn Gofal yn gweithio mewn partneriaeth â llawer o asiantaethau gan gynnwys Heddlu De Cymru, iechyd, addysg a'r gwasanaeth maethu er mwyn cefnogi teuluoedd a phobl ifanc yn unol â Deddf Gwasanaethau Cymdeithasol a Llesiant (Cymru) 2014, ynghyd â diogelu ein plant mwyaf agored i niwed.
Bydd y rôl yn cynnwys cynorthwyo wrth ddarparu gwasanaethau rheoli achos, bydd hyn drwy gyfuniad o asesiadau ac ymyriadau ymarferol eraill sy'n cynorthwyo â rhedeg y gwasanaeth o ddydd i ddydd ac sy'n cyflawni canlyniadau cadarnhaol i blant/bobl ifanc a theuluoedd a gofalwyr plant sy'n derbyn gofal gan yr awdurdod lleol.
Ers 2023, mae Pen-y-bont ar Ogwr wedi gweithredu'r model ymarfer Arwyddion Diogelwch, byddwch yn cael hyfforddiant penodol ar sut y mae hyn wedi'i weithredu yn ein tîm. Byddwch yn cael cyfnod sefydlu cadarn, goruchwyliaeth reolaidd a chymorth a mentora ychwanegol lle y bo angen. Yn ogystal, byddwch yn gallu datblygu eich gyrfa drwy gyfleoedd datblygu ac mae llwybr cystadleuol i symud ymlaen i'r secondiad gwaith cymdeithasol.
I gael rhagor o wybodaeth am y swydd ffoniwch Sian Williams ar 01656 815211.
Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Mae trwydded yrru ddilys yn un o'r gofynion ar gyfer y swydd hon.
Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.
Dyddiad Cau: 10 Medi 2025
Dyddiad Llunio'r Rhestr Fer:18 Medi 2025
Dyddiad y Cyfweliad: 26 Medi 2025
Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person