37 awr yr wythnos
Mae Maethu Cymru Pen-y-bont ar Ogwr yn cynnig cyfle gwych i ddatblygu eich gyrfa ym maes gwaith cymdeithasol. Fel aelod o'r tîm Gofal gan Berthynas a Sefydlogrwydd, byddwch yn cael budd o fod rhan o dîm staff sefydledig, cefnogol a sefydlog sy'n asesu ac yn cynorthwyo gofalwyr maeth sy'n berthynas.Rydym yn ymdrechu i sicrhau bod Gofalwyr Maeth yn cael y cymorth cywir ar yr adeg gywir i sicrhau bod plant a phobl ifanc yn eu gofal yn cyflawni'r canlyniadau gorau posibl gan gynnwys sefydlogrwydd. Eich rôl fel Gweithiwr Cymdeithasol Goruchwylio fydd cwblhau asesiadau cadarn, amserol ac adolygiad blynyddol o ofalwyr sy'n berthynas a rhoi goruchwyliaeth gefnogol gan gynnwys cyfleoedd dysgu a datblygu pwrpasol.I'ch cynorthwyo yn eich rôl, byddwch yn cael cyfnod sefydlu cadarn, goruchwyliaeth fyfyriol reolaidd, hyfforddiant yn ogystal â chymorth ychwanegol a mentora lle y bo angen. Rydym yn ceisio sicrhau bod gan Weithwyr Cymdeithasol Goruchwylio lwythi gwaith hylaw ac yn gallu cael mynediad at gymorth lleoliadau ychwanegol gan Weithwyr Cymorth Lleoliadau pwrpasol a thîm pwrpasol o Weithwyr Ailuno sy'n gallu rhoi cymorth i blentyn yn ystod y pontio rhwng lleoliadau, sicrhau sefydlogrwydd lleoliad a gweithio ar y cyd â gweithwyr cymdeithasol plant i gynorthwyo plant a phobl ifanc i ddychwelyd i ofal rhieni. Byddwch hefyd yn cael mynediad at ymgyngoriadau gyda dadansoddwr ymddygiad i gynorthwyo sefydlogrwydd lleoliad a llesiant gofalwyr. Byddwch yn cael cyfnod sefydlu cadarn, goruchwyliaeth fyfyriol reolaidd yn ogystal â chymorth ychwanegol a mentora lle y bo angen. Rydym yn defnyddio'r model ymarfer Arwyddion Diogelwch a byddwn yn cynnig cymorth a hyfforddiant i ymarferwyr sy'n ymuno â ni nad ydynt wedi cael yr hyfforddiant hwn ac nad ydynt wedi gweithio gyda'r model hwn yn flaenorol. Rydym yn sefydliad myfyriol sy'n adeiladu ar ei gryfderau yn barhaus ac sy'n ymrwymedig i'r egwyddor mai'r ffordd fwyaf effeithiol o wella canlyniadau i'r holl blant, pobl ifanc a theuluoedd yw drwy ddarparu gwasanaethau hygyrch, cyffredinol.Bydd y rôl yn cynnwys cydweithio ar draws yr holl dimau Plant yn yr awdurdod lleol, yn enwedig y Tîm Profiad Gofal sy'n cefnogi plant sy'n derbyn gofal. Rydym hefyd yn gweithio'n agos gyda'r Tîm Maethu Cyffredinol yr ydym wedi ein cyd-leoli ac yn rhannu dyletswydd â nhw. Rydym yn sefydliad myfyriol sy'n adeiladu ar ei gryfderau yn barhaus ac sy'n ymrwymedig i'r egwyddor mai'r ffordd fwyaf effeithiol o wella canlyniadau i'r holl Blant, Pobl Ifanc a Theuluoedd yw drwy ddarparu gwasanaethau hygyrch, cyffredinol. Ymunwch â ni a byddwch yn gweithio mewn amgylchedd dysgu gwerth chweil lle mae'r staff yn teimlo eu bod yn cael eu gwerthfawrogi.I gael rhagor o wybodaeth am weithio fel Gweithiwr Cymdeithasol Goruchwylio ym Mhen-y-bont ar Ogwr, cysylltwch ag: Alex Fitzpatrick (Alex.Fitzpatrick@bridgend.gov.uk) Rheolwr Grŵp Gwasanaethau Lleoliadau a Darparwyr.
Mae'r gallu i gyfarch cwsmeriaid drwy gyfrwng y Gymraeg yn un o’r gofynion ar gyfer y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Mae gwiriad gan Heddlu De Cymru yn un o'r gofynion ar gyfer y swydd hon.
Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.
Dyddiad Cau: 31 Gorffennaf 2024 Dyddiad llunio rhestr fer: 01 Awst 2024 Dyddiad Cyfweld: 19 Awst 2024Manteision gweithio yng Nghyngor Pen-y-bont ar Ogwr
Disgrifiad Swydd a Manyleb y Person