37 awr yr wythnos
Mae Cyngor Bwrdeistref Sirol Pen-y-bont ar Ogwr yn cynnig cyfle gwych i chi ddatblygu eich gyrfa ym maes gofal cymdeithasol. Rydym am i'r gweithwyr cymdeithasol gorau ymuno â ni - dyma y mae ein plant a'n teuluoedd yn ei haeddu.
Rydym yn sefydliad myfyriol sy'n adeiladu ar ei gryfderau yn barhaus ac sy'n ymrwymedig i'r egwyddor mai'r ffordd fwyaf effeithiol o wella canlyniadau i'r holl Blant, Pobl Ifanc a Theuluoedd yw drwy ddarparu gwasanaethau hygyrch, cyffredinol. Ymunwch â ni a byddwch yn gweithio mewn amgylchedd gwobrwyol lle mae'r staff yn cael eu gwerthfawrogi.
Rydym yn chwilio am Weithiwr Cymdeithasol profiadol a brwdfrydig i ymuno â'r Gwasanaeth Gwybodaeth, Cyngor a Chymorth (IAA) sydd yr un mor ymroddedig â ni wrth weithio tuag at gyflawni canlyniadau cadarnhaol i blant a theuluoedd. Mae'r gwasanaeth IAA yn rhan sylfaenol o MASH Pen-y-bont ar Ogwr (Canolfan Ddiogelu Amlasiantaethol) ac yn gweithio mewn cydweithrediad agos ag asiantaethau partner fel Heddlu De Cymru ac Iechyd er mwyn cefnogi teuluoedd yn unol â Deddf Gwasanaethau Cymdeithasol a Llesiant (Cymru) 2014, ynghyd â diogelu ein plant mwyaf agored i niwed.
Mae ein gwasanaethau cymorth wedi'u targedu i deuluoedd wedi'u cyd-leoli â'n canolfannau diogelu, i ddarparu continwwm o wasanaethau yn amrywio o gymorth cynnar i ddarpariaeth ddwys i deuluoedd ag anghenion cymhleth. Mae ein timau diogelu wedi'u lleoli mewn tair canolfan gymunedol ledled y fwrdeistref. Yn ogystal, mae gennym dimau sy'n cynnig arbenigedd mewn perthynas â Phlant ag Anableddau a Phobl Ifanc 16 oed a hŷn y mae ganddynt hawl i wasanaethau gadael gofal.
Ar hyn o bryd rydym yn ailfodelu ein gwasanaethau i sicrhau bod amrywiaeth o lwybrau i blant a phobl ifanc. Ochr yn ochr â hyn ceir adolygiad o'n gwasanaethau maethu presennol a rhai adnoddau newydd ac arloesol i gynorthwyo aelwydydd gofalwyr maeth.
Rydym yn annog ceisiadau gan Weithwyr Cymdeithasol profiadol a'r rhai yn eu dwy flynedd gyntaf o wasanaeth. Yn gyfnewid byddwch yn cael cyfnod sefydlu cadarn, goruchwyliaeth reolaidd, cymorth ychwanegol a mentora lle y bo angen. Yn ogystal byddwch yn gallu datblygu eich gyrfa ymhellach gyda chyfleoedd datblygu a hyrwyddo.Bydd pecyn adleoli hyd at £ 8000 yn cael ei ystyried ar gyfer y swydd hon.
Mae Polisi Gweithio Hybrid y cyngor yn berthnasol i'r swydd hon. Mae hwn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.
Mae trwydded yrru ddilys yn ofynnol ar gyfer y swydd honNodwch y bydd yn angenrheidiol i'r ymgeisydd llwyddiannus gael gwiriad cofnodion troseddol gan y Gwasanaeth Datgelu a Gwahardd (DBS).
Dyddiad Cau: 30 Hydref 2024
Disgrifiad Swydd a Manyleb Person
Manteision gweithio yng Nghyngor Pen-y-bont ar Ogwr
